Fjordvett - Økologisk på Vestlandet

Økoringen Vest tek initiativ for samarbeid mellom Gilde og Mobilslakt AS

I slutten av mai hadde Økoringen Vest i samarbeid med Økoproduksjon Vest (eit prosjekt i regi av OIKOS Vest) informasjonsmøte i Sogndal og Førde for å setje søkjelys på omsetning av økologisk kjøt. (Meir om Økoproduksjon Vest finn du her:   http://www.oikos.no/vest/index.php?folder=prosjekter&page=prosjekter&action=view&index=2)

På møte vart dei ulike tilboda frå Gilde og Fatland samt lokale tilbod presentert. Mest merksemd fekk det nye tilbodet frå firmaet Mobilslakt AS (www.dyreetikk.no).

I etterkant av møta oppmoda medlemer i Økoringen Vest arrangørane om å ta initiativ ovanfor Gilde med tanke på å etablere eit samarbeid mellom Gilde og det mobile slakteriet slik at Gilde-medlemer har høve til å gjera seg nytte av tilbodet med slakting på garden utan å måtte bryte med Gilde.

Brevet frå Økoringen Vest til Gilde finn du her:   Gilde.doc

Balholm Mosteri med ny vri

Balholm Mosteri har satsa på nytt design og det gjev auka etterspurnad etter den økologiske eplemosten. Mosteriet er difor på jakt etter nye øko-produsentar.

Jfr. intervju med Åge Eithungjerde og Marianne Bøthun i Sogn Avis http://www.sognavis.no/lokale_nyhende/article2043654.ece

Øko-eplemosten frå Balholm med ny design

KOPROSA Sogn

Prøveprosjekt:  KOPROSA-Sogn

Økoringen Vest og Veten lokallag av OIKOS er gått i lag for å prøve noko nytt: eit KONSUMENT –PRODUSENT-SAMARBEID, avkorta KOPROSA.

Målet med prosjektet er: Å gjera lokale øko-produkt tilgjengeleg for lokale forbrukarar.

Det store paradokset er at økobøndene våre brenn inne med varene sine (gjeld ikkje frukt!), samstundes som medvitne forbrukarar ikkje får tak i desse varene!  Sjølve omsetningssystemet  for økologiske varer fungerar ikkje godt nok, spesielt så lenge at produksjonen er låg og dermed uinteressant for dei  store aktørane. Men det er vanskeleg å motivere fleire gardbrukarar til å leggje om til økologisk drift når det vesle som alt vert produsert,  ikkje vert seld! Samstundes må ein ha forståing for at dei store matkjedene ikkje vil foredla og omsette varene før produksjonen har nådd eit visst  volum.  Med andre ord: ein vond sirkel, og målet med KOPROSA er å bryte denne vonde sirkelen.

Ideen er henta frå Sveits og Austerrike, men også frå andre kantar av verden som t.d. frå CSA (community supported agriculture), ein idé som opphaveleg kom frå Japan og som spreidde seg til både Europa og Amerika ( http://journeytoforever.org/farm_csa.html).

KOPROSA-Sogn skal jobba med ulike tiltak som gjer lokale økologiske varer meir synlege og meir tilgjengelege for  forbrukarar i regionen. M.a.o. skal lokale øko-bønder og forbrukarar bli knytt saman gjennom meir direkte omsetning av lokale økologiske varer. Noko av det første som skal prøvast ut er ei  slags abonnementordning for lokalproduserte grønsaker, men også opplysningar om lokale øko-produsentar og deira produkt vil stå sentralt. Heile opplegget er internett-basert og interesserte kan melde seg på med å sende ein e-post til  [email protected]. Ønskjer du fleire opplysningar kan du ringe Økoringen Vest, tel. 975 21 402.

KOPROSA Sogn er formelt eit samarbeidsprosjekt mellom Økoringen Vest og Veten lokallag av OIKOS. Deltakinga er gratis, men føreset medlemskap i minst ein av organisasjonane.

Initiativtakarane er spent   på interessa for og oppslutninga om prosjektet og vonar at det kjem noko liknande på gang i andre område. Vi skal gjerne vidareformidla våre røynsler.

Interesserte forbrukarar i Sogn skal få enklare tilgang til økologiske varer

Fjordkjøkenet i Aurland - Smak og behag Sogn AS

 

Fjordkjøkenet i Aurland er overteke av SJH og vert ved sidan av kurs og opplæring i skulen sin regi no leigd ut til interesserte brukarar. Hovudleigetakar er ”Mat og behag Sogn AS” eit selskap eigd av fleire lokale produsentar og foredlarar. M.a. er Norvald Langeteig medeigar i selskapet og brukar kjøkenet som utgangspunkt for si gourmetsatsing. Men ved sidan av dei som står bak selskapet får også andre lokale produsentar tilbod om å leige kjøkenet/produksjonslokalet.

Er det eit døme for andre område? I staden for at alle investerer masse pengar i eigne foredlingslokale, så får ein i stand samarbeidsløysingar som gjer at inngangsprisen for å kome i gang med lokal foredling vert ein brøkdel av det som den elles kunne ha vore.

Når Fjordvett var innom Fjordkjøkenet så var ved sidan av Norvald Langeteig også ekteparet Lill F. og Per Dale frå Flåm i gang med å foredla kjøtet sitt.